Datblygodd Chrissy Smith, sylfaenydd The Lost Sheep Company, ei busnes ar ôl manteisio ar ofod siop dros dro Cynllun Etifeddiaeth Trefwedd Bae Colwyn a Chymunedau yn Gyntaf. Dechreuodd Chrissy nyddu a gwerthu edafedd, yn ogystal â gwerthu deunyddiau gwau eraill, ac erbyn heddiw mae hi’n rhedeg ei siop ei hun yn 20 Ffordd Conwy. Mae hi’n gwerthu edafedd y mae hi wedi’u nyddu yn defnyddio gwlân defaid brodorol prin, yn cynnal dosbarthiadau ac yn gwerthu offer gwau a chynnyrch unigryw eraill.
Yn ystod y flwyddyn ddiwethaf mae Cynllun Etifeddiaeth Trefwedd Bae Colwyn wedi cefnogi Prosiect Gwlân Treftadaeth. Mae’r prosiect yma’n annog pobl i sgwrsio am hanes, rhannu straeon am nyddu, hel atgofion am wau ac yn denu pobl i Fae Colwyn i fwynhau crefftau treftadaeth.
Gosododd Chrissy Wal Atgofion yn ei siop lle’r oedd modd i gwsmeriaid ac ymwelwyr atodi pethau arni, fel hen batrymau gwau neu atgof ysgrifenedig.
Wrth i’r wal lenwi, rhoddwyd y darnau treftadaeth mewn llyfr lloffion ‘Talking Textiles’, i gasglu’r holl atgofion, technegau nyddu traddodiadol a’r eitemau a roddwyd a’u cadw gyda’i gilydd. Yn ystod y flwyddyn mae Chrissy hefyd wedi derbyn llawer o eitemau mwy, fel hen rodau nyddu.
Mae Chrissy hefyd yn cynnal dosbarthiadau sgiliau treftadaeth traddodiadol, lle mae hi’n trosglwyddo ei sgiliau traddodiadol o weithio gydag edafedd i eraill, gan fwynhau sgwrsio a hel atgofion ar yr un pryd.
Mewn Partneriaeth gyda
Hawlfraint © 2017 MTT Bae Colwyn| Cedwir Pob Hawl
